Azərbaycan, Bakı, 19 avqust / Trend , müxbir Q.Vəliyev /
Avqustun 19-da Bişkekdə (Qırğızıstan) Regional Rabitə Əməkdaşlığı təşkilatının (RRƏ) poçt rabitəsi üzrə komissiyasının birgə 29/18 iclası və RRƏ-nin poçt rabitəsi operatorları Şurası, həmçinin RRƏ administrasiyasının mütəxəssisləri üçün "İqtisadi prinsiplər və xidmət keyfiyyəti əsasında beynəlxalq poçt mübadiləsi üzrə kompensasiya sisteminin təkmilləşdirilməsi" mövzusunda beynəlxalq seminar öz işinə başlayıb, bu barədə Trend -a Rabitə və İnformasiya Texnologiyaları Nazirliyinin poçt rabitəsi şöbəsinin müdiri Novruz Məmmədov bildirib.
İclasın ilk günündə iştirakçılar Ümumdünya Poçt İttifaqı 24-cü Konqresi tərəfindən qəbul edilmiş (Cenevrə 2008) 2010-2013-cü illərdə yekun xərclər sistemini və yekun xərclər üzrə gələcək işlərin analizini müzakirə edəcəklər.
Müzakirələrin mövzusu həmçinin yekun sistem ölkələrinə, yeni yekun sistem ölkələrinə və keçid sistemi ölkələrinə tətbiq edilən tarif və şərtlər, həmçinin ölkələrin və ərazilərin təsnifatı, С17/2008 qətnaməsinə müvafiq olaraq apellyasiya vermə qaydaları və prosedurlarıdır. Günədliyə həmçinin əlavə xidmətlərin (sifraiş göndərilməsi ) ödənişi məsələsi, standartlar və 2010-2013-cü illərdə xidmət keyfiyyətinin göstəriciləri məsələsi də qoyulub.
İclasın ikinci günü RRƏ ölkələri tərəfindən 2006-2009-cu illər ərzində beynəlxalq bağlamalar üzrə xidmət göstəricilərinin icrasının analizinin nəticələrinə həsr olunacaq. İclas öz işini avqustun 21-də başa vuracaq.
Məqalə müəllifi ilə əlaqə ünvanı: [email protected]
