Azərbaycan, Bakı, 18 fevral / Trend , müxbir H.Vəliyev/
Azərbaycanda dayanıqlı softver bazarı ilə səmərəli rəqabət məsələlərini həll edən açıq proqram təminatı bazarının (OpenSource) artımı gözlənilir. Bunu Azercell Telocom şirkətinin baş direktoru Əli Ağan bu gün deyib.
Ağanın sözlərinə, bu il OpenSource bazarı üçün dönüş ili olacaq və açıq çıxış kodları ilə proqram təminatının yaradılması biznes üçün daha maraqlı olacaq.
Bu məhsullar tədricən köməyə gəlir və ya bəzi hallarda ticari softu əvəz edir. Açıq proqram təminatı bazarı Digər İT texnologiyaları bazarından daha sürətli inkişaf edir.
Azercell Telekom şirkəti rəhbərinin fikrincə, OpenSource bazarının inkişafında internet texnologiyası əhəmiyyətli rol oynayır. Onların vasitəsilə açıq platformaların ötürülməsi həyata keçirilir.
"Bizim mobil rabitə operatoru kimi qarşımızda duran əsas vəzifələrdən biri açıq proqram təminatı bazarının inkişafı üçün yeni imkanlar açan 3-cü nəsil şəbəkəni işə salmaqdır. 3G standartı internet bazarının inkişafında böyük rol oynayır, bazarın bu sahəsindəki rəqabət isə internetə giriş tariflərini xeyli azaltmağa imkan verir", - Ağan deyib.
Ağanın sözlərinə görə, bu gün 3G şəbəkəsinin işə salınmasına dair lisenziya verilməsi məsələsi Rabitə və İnformasiya Texnologiyaları Nazirliyinin baxışındadır.
