Azərbaycan, Bakı, 6 aprel /Trend, müxbir H.Vəliyev/
Bakıda təhsil sahəsində informasiya-kommunikasiya texnologiyalarının tətbiqi üzrə ikigünlük beynəlxalq konfrans keçiriləcək. Bunu bu gün Azərbaycan Təhsil Nazirliyinin təhsilin informasiyalaşdırılması şöbəsinin rəisi Samir Məmmədov deyib.
Məmmədovun sözlərinə görə, hazırda konfransın keçirilməsinin vaxtı müəyyən olunmayıb. Konfrans çərçivəsində təhsil sahəsində qabaqcıl informasiya texnologiyalarının tətbiqinə dair təcrübənin müzakirəsi planlaşdırılır. Konfrans təhsil sahəsində İKT-nin tətbiqi üzrə ən yeni və ən qabaqcıl təcrübənin tətbiqinə imkan verir.
"Biz analoji konfransları regional səviyyədə də keçirmək niyyətindəyik. İlk elmi praktik konfransın mayda keçirilməsi gözlənilir. Tədbirlərin keçirilməsi paytaxtın qabaqcıl məktəbləri tərəfindən İKT tətbiqinə dair təcrübənin genişləndirilməsini nəzərdə tutur.
