Аzərbaycan, Bakı, 7 iyun /Trend, müxbir H.Vəliyev/
İnformasiya-kommunikasiya texnologiyaları üzrə milli təsnifata hazırlıq 2011-ci ildə başlayacaq, - Azərbaycanın Rabitə və İnformasiya Texnologiyaları Nazirliyindən xəbər veriblər.
İşlər 2008-2012-ci illərdə Azərbaycanda rəsmi statistikanın təkmilləşdirilməsi üzrə Dövlət Proqramı çərçivəsində aparılacaq.
İdarədən verilən məlumata görə, hazırda İKT məhsulları və xidmətləri üzrə milli təsnifata hazırlıq barədə işçi qrup ilə birinci layihə işlənilib-hazırlanıb. İKT məhsulları və xidmətləri üzrə milli təsnifata hazırlıq barədə nazirliyin nəzdində yaradılmış işçi qrupuna müvafiq dövlət orqanlarının nümayəndələri daxildirlər.
İKT xidmətləri üzrə milli təsnifatın ilkin layihəsi Dövlət Proqramına əsasən işlənilib-hazırlanıb və hazırda təsnifat layihəsinin təkmilləşdirilməsi üzrə işçi qrup tərəfindən işlər aparılır.
Təsnifat layihəsi işləri müvafiq strukturlar tərəfindən bəyəniləcək və dövlət qeydiyyatından keçmək üçün Standartlaşdırma, Metrologiya və Patent Üzrə Dövlət Komitəsinə təqdim olunacaq.