Azərbaycan, Bakı, 28 dekabr /Trend, müxbir H.Vəliyev/
2010-cu ildə Azərbaycan Rabitə və İnformasiya Texnologiyaları Nazirliyinin "Aztelekom" İstehsalat Birliyinin infrastrukturuna 46 milyon manat investisiya yatırılıb. Bu barədə çərşənbə axşamı Birliyin baş direktoru Məhəmməd Məmmədov deyib.
Onun sözlərinə görə, investisiyaların ümumi məbləğindən 20 milyon manat kredit kimi cəlb edilib.
"Gələn il biz telekommunikasiya infrastrukturuna orta hesabla 50 milyon manat investisiya yatırmağı planlaşdırırıq", - Məmmədov qeyd edib.
