Azərbaycan, Bakı, 27 yanvar /Trend, müxbir H.Vəliyev/
Azərbaycanın kompüter istifadəçiləri virus hücumları ilə daha tez-tez üzləşən 20 ölkənin siyahısına daxil olub. Bu barədə cümə axşamı "Kasperski Laboratoriyası" təşkilatının məlumatında deyilir.
Məlumata görə, dünyanın müxtəlif ölkələrində kompüter istifadəçilərinin potensial yoluxma risklərinin dərəcəsini müqayisə etmək üçün hər bir ölkədən KSN proqramından (Kaspersky Security Network) istifadə edənlərin faizi hesablanıb.
Rusiya şirkətinin hesablamalarına görə, Azərbaycanda virus hücumlarının səviyyəsi ötən il 41 faiz təşkil edib.
Rusiyada veb-hücumlara hər iki istifadəçidən biri - 53,7 faiz, ABŞ-da - 46,1 faiz, Belarusda - 48 faiz, Qazaxısxtanda - 43,2 faiz, Ukraynada - 42,6 faiz, Türkmənistanda - 40 faiz məruz qalır.
İstifadəçiləri brauzer vasitəsilə daha çox məruz qalan ölkələr arasında İraq liderlik edir və orada veb-insidentlərin 61,8 faizi qeydə alınıb.
Bu göstərici üzrə dünyanın nisbətən təhlükəsiz ölkələri Almaniya, Yaponiya, Avstriya və Norveçdir. Onların göstəriciləri 19-20,8 faiz civarında dəyişir.
İstifadəçiləri yerli yoluxmalardan ən yüksək səviyyədə müdafiə olunan ölkələr Yaponiya, Almaniya, Lüksemburq, Avstriya və İsveçdir. Onların gösətiriciləri 8,6 faizlə 10,1 faiz arasındadır.
