Azərbaycan, Bakı, 5 fevral /Trend, müxbir H.Vəliyev/
Azərbaycanın mobil rabitə operatoru "Azerfon" şirkəti "Xalq kompyuteri" layihəsinə qoşulub. Bu barədə şənbə günü Trend-ə layihənin operatoru olan "BestComp Group" şirkətindən məlumat verilib.
Layihə çərçivəsində "Azerfon-Vodafone" şəbəkəsi kompyuter alıcıları üçün iki xüsusi "Əlaçı-1" və "Əlaçı-67" paketi təqdim edib.
"Əlaçı-1" paketini alınan kompyuterin 3,3 manat məbləğində kredit üzrə aylıq əlavə haqqı ödəyərkən almaq mümkündür. Paket 3G modeminə qoşulub, 500 MB həcmində trafik isə birinci ay pulsuz olacaq. Sonralar "Əlaçı-1" paketi çərçivəsində 500 MB həcmində trafikin aylıq həcmi bir manat təşkil edəcək. Trafikdən istifadə zamanı hər meqabayt üçün müəyyən olunmuş yuxarı limit 0,03 manat olacaq.
"Əlaçı-67" paketini 8,83 manatlıq aylıq əlavə haqqı ödəyərkən almaq mümkündür. Paket 3G modeminə qoşulub və trafikin həcmi 10 GB-dır. Ondan bir il ərzində istifadə etmək mümkündür. Trafikdən istifadə zamanı hər Mb üçün müəyyən olunmuş yuxarı limit 0,03 manat olacaq.
Bu gün layihə çərçivəsində "Symantec", KÜR və "Azercell Telekom" şirkətlərinin məhsul və xidmətləri təklif olunur.
"Xalq Kompyuteri" layihəsi 2009-cu ilinaprel ayında start götürüb. Layihə çərçivəsində təklif olunan kompyuterlər orta və ali məktəblərin müəllim və şagirdləri, dövlət müəssisələrinin əməkdaşları üçün nəzərdə tutulub və 12 ay müddətinə bazar qiymətindən 25-40 faiz aşağı qiymətə, faizsiz kreditlə satılır.
Layihə HP və Microsoft şirkətlərinin iştirakı ilə həyata keçirilib. Texnikanın tədarükü HP şirkətinin yerli tərəfdaşı "Best Comp Group" şirkəti tərəfindən həyata keçirilib.
