...

Azərbaycan və Fransanın İKT sektorunun nümayəndələri əməkdaşlıq perspektivlərini müzakirə edəcəklər

Telekommunikasiya Materials 7 İyul 2011 13:30 (UTC +04:00)

Trend-i buradan izləyin

Azərbaycan, Bakı, 7 iyul /Trend, müxbir H.Vəliyev/

"BakuTel 2011" 17-ci Beynəlxalq telekommunikasiya sərgisi çərçivəsində informasiya-kommunikasiya texnologiyaları üzrə Azərbaycan-Fransa biznes forumunun keçiriləcəyi gözlənilir. Bu barədə cümə axşamı Trend-ə ölkənin Rabitə və İnformasiya Texnologiyaları Nazirliyinin mətbuat katibi Müşfiq Əmirov bildirib.

Əmirovun sözlərinə görə, Bakıda sayca ikinci olan Azərbaycan-Fransa biznes forumunun keçirilməsi nazir Əli Abbasovun Fransaya səfəri çərçivəsində təsdiqlənib.

Əmirovun fikrincə, iki ölkənin İKT sektorunun nümayəndələri informasiya texnologiyaları sahəsində gələcək əməkdaşlıq məsələlərini müzakirə edəcəklər ki, bu da iki ölkənin həmin sahədə münasibətlərini dərinləşdirəcək və əməkdaşlıq üçün yeni perspektivlər açacaq.

"BakuTel 2011" telekommunikasiya sərgisi noyabrın 23-26-da keçiriləcək.

Xəzər və Qafqaz regionlarında ən iri telekommunikasiya sərgisi olan BakuTel bu bazarlarda biznesin irəliləməsi üçün imkan yaradır. Mövcud olduğu dövrdə sərgi İKT-nin illik forumuna çevrilib. Onun vasitəsilə İKT bazarında yeni texnologiyalar və ən yeni avadanlıqlar tətbiq edilir, möhkəm əlaqələr qurulur, yeni müəssisələr yaradılır.

Xəbər lenti

Xəbər lenti