...

Azərbaycanın poçt operatoru Avropa və MDB ölkələri ilə islahat təcrübəsini bölüşəcək

Telekommunikasiya Materials 5 Sentyabr 2011 17:06 (UTC +04:00)

Azərbaycan, Bakı, 5 sentyabr /Trend, müxbir H.Vəliyev/

Azərbaycanın poçt operatoru "Azərpoçt" MMC poçt sahəsindəki islahat təcrübəsini "Avropa və MDB məkanı ölkələrinə poçt islahatının möhkəmləndirilməsi və tərəqqisində dəstək" adlı regional konfransda bölüşəcək. Bu barədə Trend-ə bazar ertəsi "Azərpoçt"dan bildirilib.

Azərbaycan poçtunun islahat və inkişafının kompleks planı sentyabrın 6-7-də Kiyevdə keçiriləcək həmin konfransda nümayiş etdiriləcək.

Regional konfransın nəticələri MDB Regional Rabitə Komissiyasının Poçt rabitəsi və təşkilatın Poçt operatorları şurasının 8 sentyabrda keçiriləcək birgə iclasında müzakirə ediləcək.

Həmçinin iclasda 24 sentyabr-15 oktyabr 2012-ci il tarixdə keçiriləcək Ümumdünya Poçt İttifaqının 25-ci konfransına hazırlıq məsələləri də müzakirə ediləcək.

Xəbər lenti

Xəbər lenti