Azərbaycan, Bakı, 21 sentyabr /Trend, müxbir H.Vəliyev/
Azərbaycan Milli Elmlər Akademiyasının İnformasiya Texnologiyaları İnstitutu elektron ticarət sistemləri və informasiya anbarları tikintisinin inkişaf etdirilməsi təcrübəsini Özbəkistanda keçiriləcək "InfoCom 2011" İKT Həftəsi çərçivəsində təqdim edəcək. Trend-in məlumatına görə, bu barədə institutun çərşənbə günü yaydığı məlumatda deyilir.
Özbəkistanda informasiya texnologiyaları sahəsində böyük hadisə olan "InfoCom 2011" İKT Həftəsi sentyabrın 26-30-da Daşkənddə keçiriləcək.
Azərbaycanı tədbirdə institutun şöbə müdirləri Əlövsət Əliyev və Gülnarə Nəbibəyova təmsil edəcəklər.
"InfoCom 2011" İKT sahəsinin təkmilləşdirilməsi istiqamətində bir sıra tədbirləri əhatə edir və həm mütəxəssislər, həm də istifadəçilər üçün maraqlıdır.
Daşkənddə sentyabrın 27-də "InfoCom 2011" çərçivəsində İKT üzrə illik sammit keçiriləcək. Sammit Özbəkistanda İKT sahəsində əsas hadisələrdən biri sayılır.
