Azərbaycan, Bakı, 30 yanvar /Trend müxbir H. Vəliyev/
Azərbaycan Milli Televiziya və Radio Şurası (MTRŞ) 130 min yoxsul ailənin rəqəmsal televiziya dekoderləri ilə təminatı üzrə təklif hazırlayıb. Bu barədə bazar ertəsi Trend-ə MTRŞ-dən məlumat verilib.
Hazırda MTRŞ-nin təklifi hökumətin gündəliyindədir.
Bu ilin ortalarında Bakıda və Abşeron yarımadasında telekanalların yayımının tamamilə rəqəmsal formata keçirilməsi gözlənilir.
Azərbaycanda rəqəmsal televiziyaya keçid analoq siqnalının rəqəmsalla əvəz edilməsini nəzərdə tutur.
"Teleradio" İstehslat Birliyi artıq respublika əhalisinin 85 faizini rəqəmsal yayımla əhatə etməyə imkan verən şəbəkə infrastrukturunu qurub. 2012-ci ilin sonuna qədər ölkənin ucqar ərazilərinin və yaşayış məntəqələrinin rəqəmsal siqnalla tam əhatə olunması gözlənilir.
Azərbaycanda analoq yayım ölkə tam rəqəmsal teleyayıma keçdikdən sonra dayandırılacaq. Nazirliyin işçi planına əsasən, rəqəmsal televiziyaya tam keçid 2013-cü ildə gözlənilir.
Televiziyanın rəqəmsal yayımına keçmək üçün abunəçilər dekoder əldə etməlidirlər.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
