Azərbaycan, Bakı, 13 aprel /Trend, müxbir H.Vəliyev/
Azərbaycanda birinci rübdə təşkilatlara və əhaliyə göstərilən informasiya və rabitə xidmətlərinin həcmi 789,8 milyon manat təşkil edib. Bu barədə bazar ertəsi Trend-ə Dövlət Statistika Komitəsindən məlumat verilib.
Birinci rübün yekunları üzrə göstərilən sektorun artım tempi 8 faiz olub.
Birinci rübdə rabitə xidmətlərinin həcmi 210,7 milyon manat təşkil edib ki, bu da ötən ilin analoji dövr göstəricisindən 9,3 faiz çoxdur.
Məlumata görə, ümumi həcmin 72,7 faizi əhaliyə göstərilən xidmətlərin payına düşür.
Bununla yanaşı, 65,1 faiz mobil rabitənin payına düşüb ki, bu da 2011-cu ildəki göstərici ilə müqayisədə 7 faiz artaraq 188,6 milyon manat təşkil edib.
