Azərbaycan, Bakı, 18 aprel /Trend, müxbir H.Vəliyev/
Azərbaycan Texniki Universitetində pulsuz Wi-Fi nöqtəsi işə salınacaq. Bu barədə çərşənbə günü Trend-ə IREX təşkilatının hüquqşünası Ələsgər Məmmədli deyib.
"Bu istiqamətdə işlər bu həftə başa çatacaq. Bu, Sumqayıt Dövlət Universitetində işə salınan layihədən sonra IREX-in ilin əvvəlindən reallaşdırdığı sayca ikinci layihədir.
Qeyd edək ki, Azərbaycanın ali məktəblərində pulsuz Wi-Fi nöqtələrinin işə salınması üzrə layihə ötən il start götürüb. Hazırda pulsuz simsiz zonaya çıxış imkanı Bakı Dövlət Universiteti, Azərbaycan Tibb Universiteti və Azərbaycan Dövlət Neft Akademiyasında işə salınıb.
Wi-Fi zonaları daha geniş istifadəçi auditoriyası olan ali məktəblərdə işə salınır. Bu, əsasən universitet kampusları, kitabxanaları, kafeləri və digərləridir.