Azərbaycan, Bakı, 30 aprel /Trend, müxbir H.Vəliyev/
Aprelin 1-nə olan məlumata görə, Azərbaycanın dövlət qurumları tərəfindən 1030 elektron imza verilib. Trend-in məlumatına görə, bu barədə bazar ertəsi Rabitə və İnformasiya Texnologiyaları Nazirliyinin hesabatında deyilir.
Verilən imzaların ümumi sayından 470 ədədi Rabitə və İnformasiya Texnologiyaları Nazirliyinin işçiləri, qalanı isə mərkəzi icra hakimiyyəti orqanlarının əməkdaşlarının payına düşüb.
Azərbaycanda elektron-rəqəmsal imzanın verilməsinə 2011-ci il sentyabrın 7-də başlanıb.
İmzanın verilməsi alıcının ərizəni təqdim etməsi və imzanın qiymətini ödəməsindən sonra poçt şöbələri vasitəsilə həyata keçirilir. Elektron-rəqəmsal imzanın qiyməti istifadəçi kateqoriyasından asılı olaraq və onun fəaliyyəti dövrü nəzərə alınmaqla müəyyənləşdirilib.
|
İmzanın istifadə dövrü |
Əhali üçün elektron-rəqəmsal imzanın qiyməti |
Dövlət strukturları üçün elektron-rəqəmsal imzanın qiyməti |
Sahibkarlıq fəaliyyəti ilə məşğul olan fiziki və hüquqi şəxslər üçün elektron-rəqəmsal imzanın qiyməti |
|
1 il |
14 manat |
135 manat |
60 manat |
|
2 il |
22 manat |
114 manat |
|
|
3 il |
30 manat |
168 manat |
|
|
Qiymətlər ƏDV nəzərə alınmaqla qeyd edilib |
|||
Rəqəmsal imzanı Azərbaycanın bütün ərazisində, o cümlədən Naxçıvan Muxtar Respublikasında əldə etmək olar. İmzanın alınması haqqında ətraflı məlumatı e-imza.az elektron ünvan vasitəsilə öyrənmək olar.
