Azərbaycan, Bakı, 1 iyun /Trend, müxbir H.Vəliyev/
Azərbaycanın poçt operatoru "Azərpoçt" MMC POS-terminal vasitəsilə pensiya müavinətlərinin verilməsi ilə bağlı pilot layihənin reallaşdırılmasına başlayıb. Bu barədə cümə günü Trend-ə Azərbaycan Rabitə və İnformasiya Texnologiyaları Nazirliyinin Poçt rabitəsi şöbəsinin müdiri, Regional Rabitə Birliyinin Poçt rabitəsi komissiyasının rəhbəri Novruz Məmmədov bildirib.
Məmmədovun sözlərinə görə, pilot layihə Lerik rayonunun Çayrut kəndində işə salınıb.
Pensiya kartının sahibi (məsələn, "Kapital Bank") POS-terminal vasitəsilə karta köçürülən pul vəsaitlərini "Azərpoçt"un poçt şöbəsinin kassasında nağd pula çevirə bilər. Bunu cümə günü Trend-ə "Azərpoçt" MMC-dən deyiblər.
"Perspektivdə oxşar layihəni respublikanın digər rayonlarında, əsasən, ucqar kənd və yaşayış məntəqələrində reallaşdırmaq planlaşdırılır. Bu məqsədlə ilin sonunadək POS-terminalların sayının artırılması nəzərdə tutulur", - MMC-dən vurğulayıblar.