Azərbaycan, Bakı, 2 iyul /Trend/
Azərbaycanın ilk mobil operatoru və aparıcı mobil internet təchizatçısı olan "Bakcell" şirkəti müasir mobil rabitə istifadəçilərinə geniş çeşidli məhsullar təklif etməkdədir.
Şirkətdən bazar ertəsi Trend-ə verilən məlumata görə, Sür@ ticarət nişanı altında ölkədə ən mükəmməl 3G mobil internet təcrübəsini təklif edən "Bakcell" şirkəti böyük məmnuniyyətlə yeni eksklüziv kampaniyasını elan edir. Futbolsevərlərə müjdəli kampaniyaya start verən "Bakcell" sentyabr ayının 22-si Bakıda başlayacaq FIFA U-17 qadınlararası dünya çempionatı Azərbaycan 2012-nin açılışına bilet qazanmaq imkanı yaradır.
Yarışın açılışına bilet əldə etmək və dünya şöhrətli müğənni Cennifer Lopezin ifasını canlı olaraq izləmək üçün sadəcə olaraq balansınızı artırmaq lazım olacaq. İyul ayının 1-dən sentyabrın 15-dək davam edəcək kampaniya çərçivəsində bu dövr ərzində balansına 10 AZN yükləyən hər bir "Bakcell" abunəçisi gündəlik oynanan 55 biletdən birini əldə etmək və yarışın açılışına bilet qazanmaq imkanı əldə edəcək.
Biletləri qazanan abunəçilər SMS vasitəsilə məlumatlandırılacaqlar. Biletləri yalnız Bakcell-in Nizami küç., 83-də yerləşən mağazasından əldə etmək olacaq.