...

Yeni dil paketi “Microsoft” məhsullarına Rabitə Nazirliyinin razılığından sonra inteqrasiya ediləcək

Telekommunikasiya Materials 22 Avqust 2013 18:00

Trend-i buradan izləyin

Azərbaycan, Bakı, 22 avqust /Trend, müxbir H.Vəliyev/

Azərbaycan dilində 1,1 mindən yuxarı termin "Windows 8.1" yeni əməliyyat sisteminə sonradan inteqrasiya edilmək üçün təkmilləşdirilib. Bu barədə Trend-ə açıqlamasında "Microsoft Azerbaijan" şirkətinin texnologiyalar üzrə məsləhətçisi Qaçay Mirzəyev bildirib.

Təkliflər paketi baxılmaq üçün Rabitə və İnformasiya Texnologiyaları Nazirliyinə təqdim edilib. Nazirlik ona dəyişiklik və əlavələr edib.

Mirzəyevin sözlərinə görə, nazirliyin razılığından sonra hazır dil paketinin son versiyası "Microsoft"un Baş ofisinə göndəriləcək.

Mirzəyev bildirilib: "Gözlənildiyi kimi "Windows 8.1"-in satışları 18 oktyabrda başlayır. Biz ümid edirik ki, yeni dil paketinin hazırlanması üzərində işlər həmin müddətədək başa çatacaq və məhsulun son versiyasında öz əksini tapacaq".

O, həmçinin nazirliyin əməliyyat sistemlərinin və ofis proqramlarının lokallaşdırlması zamanı buraxılan səhvləri düzəltməyə kömək edən işçi qrup yaratdığını qeyd edib.

Məqalədə:
Xəbər lenti

Xəbər lenti