Azərbaycan, Bakı, 8 aprel /Trend, müxbir H.Vəliyev/
"Nar Mobile" şəbəkəsinin abonentləri "ASAN imza" mobil rəqəmsal imza xidmətindən aprel ayında istifadə edə biləcəklər. Trend-in məlumatına görə, bu barədə jurnalistlərə "Azerfon" şirkətinin baş direktoru Kent Maknili bildirib.
Onun sözlərinə görə, bu istiqamətdə işlər tamamlanma mərhələsindədir.
Bu gün "ASAN imza" mobil imza mərkəzinin platforması "Azercell Telecom" MMC və "Bakcell" MMC-nin platforması ilə inteqrasiya olunub.
Mobil rəqəmsal imzadan istifadə etmək üçün SIM-kartın dəyişdirilməsi vacibdir.