...

Naxçıvanda rəqəmsal TV-nin kommersiya paketinin sınaq rejimində yayımına başlanıb

Telekommunikasiya Materials 12 May 2014 16:15

Trend-i buradan izləyin

Azərbaycan, Bakı, 12 may /Trend, müxbir H.Vəliyev/

Azərbaycanın kabel televiziya operatoru "B&BTV Communications" Naxçıvan Muxtar Respublikasında DVB-T2 standartlı rəqəmsal TV-nin kommersiya paketinin sınaq rejimində yayımına başlayıb. Bunu bazar ertəsi Trend-ə şirkətdən deyiblər.

Kommersiya paketinə 70 telekanal və HD formatında yerli "Naxçıvan TV" daxildir. Kommersiya paketi mayın 20-dək ümumi baxış üçün keçərlidir.

Kommersiya paketinə görə minimum aylıq abunə haqqı 7 manat təşkil edəcək. Rəqəmsal kontenti yayımlayan antena Düzdağ telestansiyasında quraşdırılıb.

Hazırda Naxçıvan şəhərinin əhalisi yalnız sosial rəqəmsal paketdən yararlanır. Bu paketə bütün ümumrespublika telekanalları, Türkiyənin TRT telekanalı və iki yerli telekanal ("Kanal-35" və "Naxçıvan TV") daxildir.

Məqalədə:
Xəbər lenti

Xəbər lenti