...

"Aztelekom"dan internet istifadəçilərinə şad xəbər

Telekommunikasiya Materials 1 İyun 2017 14:23
“Aztelekom” MMC bu gündən etibarən “SAF” – təhlükəsiz internet xidmətinin tətbiqinə başlayıb.
"Aztelekom"dan internet istifadəçilərinə şad xəbər

Trend-i buradan izləyin

Bakı. Trend:

“Aztelekom” MMC bu gündən etibarən “SAF” – təhlükəsiz internet xidmətinin tətbiqinə başlayıb.

Bu barədə Trend-ə Nəqliyyat, Rabitə və Yüksək Texnologiyalar Nazirliyinin İctimaiyyətlə Əlaqələr Sektorundan məlumat verilib.

Geniş seçim imkanı yaradan xidmət sürətli informasiya axınında istifadəçini internet təhlükələrindən, o cümlədən viruslu, arzuolunmaz məzmunlardan və zorakılığı təbliğ edən zərərli kontentlərdən qoruyur.

“Aztelekom.net” internet provayderinin abunəçiləri üçün təklif edilən bu xidmət insanların, əsasən də azyaşlı uşaqların psixologiyasına mənfi təsir edən veb səhifələri filtrasiya edib, cinayətkarlıq, əxlaqsızlıq və aqressivliyi əks etdirən internet saytlarına girişi nəzarətə götürür, arzuolunmaz saytların girişinə qadağa qoyur.

Uşaqlar arzuolunmaz saytlara daxil olmaq istədikdə “SAF” bu səhifələrə girişi məhdudlaşdırır.

Bu xidmətdən yalnız azyaşlı uşaqların valideynləri deyil, eləcə də iş saatlarında effektivliyin artırılması məqsədi ilə hüquqi şəxslər də istifadə edə bilərlər.

Xidmətdən istifadə qaydaları isə olduqca sadədir.

İstifadəçi “ağ siyahı” yaradaraq, arzuolunan internet resurslarının siyahısını tərtib edir. Eyni zamanda təhlükəli resursları “qara siyahı”ya salaraq, onlardan istifadəni məhdudlaşdıra bilir.

Həmçinin, istifadəçi istədiyi vaxt filtri deaktivləşdirir, arzu etdiyi veb resurslara daxil olur, daha sonra isə deaktiv etdiyi resursu aktiv edə bilir.

Qeyd edək ki, istifadəçilər 9 rayonun (Abşeron, İmişli, Naftalan, Göyçay, Şirvan, Lənkəran, Qəbələ, Oğuz və Hacıqabul) ərazisində SAF-təhlükəsiz internet xidmətindən test rejimində yararlanıblar.

Məqalədə:
Xəbər lenti

Xəbər lenti