Azərbaycan rabitə sahəsində regional birlik Komissiyasının 17-ci iclasında iştirak edir. Rabitə və informasiya texnologiyaları Nazirliyində Trend ə bildirilib ki, martın 28-29-da Kişinyovda keçirilən tədbirdə nazirliyin maliyyə, uçot və iqtisadi təhlil şöbəsinin əməkdaşları Bahəddin İsayev və Elşən Əliyev iştirak edir.
Moldova İnformasiyanın inkişafı Nazirliyinin dəstəyilə keçirilən iclasda Azərbaycanla yanaşı Belarus, Qazaxıstan, Qırğızıstan, Rusiya, Tacikistan, Özbəkistan və Ukraynanın rabitə administrasiyaları (RA) iştirak edir. İclasda RRB çərçivəsində iqtisadi formalaşdırma və mühüm istehsal, idarə, təhsil və digər ictimai əhəmiyyətli layihələrə, vəzifə və tədbirlərə dəstək üçün, eləcə də tarif siyasətinin metodoloji bazasının və təbii inhisar sahələrinin yenidən strukturlaşdırılması ilə bağlı tədbirlərin təkmiləşdirilməsi üçün könüllü əmlak ödənişləri əsasında Fondun yaradılması imkanlarına dair 14 məsələyə baxılacaq.
Bundan başqa, tariflərin tənzimlənməsi sahəsində RRB RA -nın iş təcrübəsinin mübadiləsi məsələlərinə: elektrorabitənin (naqilli yayım, teleqraf rabitəsi, kənd telefon rabitəsi) qeyri-rentabelli, zərərli xidmətləri və poçt rabitəsi (bütün RRB RA üzrə icmal məruzəsi), RRB RA üçün müvafiq tövsiyələrin məqsədyönlü hazırlanmasına baxılması; Azərbaycanda elektrorabitə və poçt rabitəsi; Ukraynanın "Telekommunikasiya haqqında" Qanununun müddəalarına əsasən Ukrayna RA-nın ümumiçıxışlı telekommunikasiya xidmətləri; Qırğızıstanda əsas rabitə xidmətləri tariflərinin hesablanması metodlarına dair; Qazaxıstan və Ukraynada rabitə xidmətinin göstərilməsi keyfiyyəti ilə bağlı problemlər və alternativ rabitə operatorlarına dair; Azərbaycanda telekommunikasiya xidmətləri bazarının liberallaşdırılmasına dair; RRB RA (MDB) üçün RRB iştirakçısı olan ölkələrdə iş təcrübəsinin ümumiləşdirilməsi əsasında rabitə bazarının liberallaşdırılması məsələləri üzrə məqsədyönlü tövsiyələr hazırlanmasına dair; Tacikistan və Özbəkistanda telekommunikasiya şirkətlərinin özəlləşdirilməsi və poçt rabitəsinin təşkili təcrübəsinə dair məsələlərə baxılacaq.
Təşkilati xarakterli məsələlər, eyni zamanda Komissiyanın 18-ci iclasının keçirilmə tarixi və gündəliyi layihəsi, Komissiyanın 17-ci iclasının yekunlarına dair "Dəyirmi masa"nın keçirilməsi kimi məsələlər müəyyən ediləcək.