Azərbaycanın nümayəndə heyəti rabitə sahəsində regional əməkdaşlıq təşkilatının iclasında iştirak etmək üçün Riqaya yola düşüb. Rabitə və İnformasiya texnologiyaları Nazirliyindən Trend ə verilən məlumata görə, RƏT-nın nümayəndələri üçün keçirilən "Bazarların və poçt xidmətinin inkişafı" adlı beynəlxalq seminarda poçt rabitəsi şöbəsinin müdiri Novruz Məmmədov və Azərpocht Dövlət Müəssisəsinin baş direktorunun müşaviri Nuşirəvan Osmanov iştirak edəcək.
Tədbirdə Nazirliyin nümayəndələrinin ölkədə poçt şəbəkəsinin təkmilləşdirilməsi üzrə Dünya Bankı ilə reallaşdırılan layihənin təqdimatı ilə çıxış edəcəkləri gözlənilir.
1992-ci ilin oktyabrında Bişkəkdə MDB -yə üzv olan ölkələrin rəhbərləri tərəfindən "Poçt və elektrik rabitəsi sahəsində dövlətlərarası əlaqələndirmə barədə razılaşma" imzalanıb və həmin sənədə görə, RƏT elektrik və poçt rabitəsi üzrə dövlətlərarası əlaqələndirmə orqanının səlahiyyətləri verilib.
