"Telekommunikasiya və informasiya texnologiyaları" adlı BakuTel-2006 12-ci beynəlxalq sərgisində iştirak etmək üçün Azərbaycana gələcək Hewlett Packard şirkətinin nümayəndə heyətinin tərkibi müəyyən edilib. Sərgi oktyabrın 3-6 da Bakıda Heydər Əliyev adına İdman Konsert Kompleksində keçiriləcək.
Trend in HP şirkətinin Azərbaycandakı nümayəndəliyinin rəhbəri Rüfət Hacıəlibəyova istinadən xəbər verdiyi kimi, şirkəti bir neçə menecer təmsil edəcək.
Xüsusilə, BakuTell-2006-da HP şirkətinin EMEA ölkələri (Avropa, Yaxın Şərq və Afrika regionu) üzrə vitse-prezidenti Rafael Bruqnini, şirkətin MDB üzrə korporativ məhsul və qərarları departamentinin direktoru Sergey Lobov, HP Telecom şöbəsinin texniki məsləhətçisi Aleksandr Melnikov və başqalarının iştirakı gözlənilir.
R. Bruqnini "Xüsusi iqtisadi zonalar - Azərbaycan iqtisadiyyatının sabit inkişafında yeni istiqamətlər" adlı konfransda "Azərbaycan iqtisadiyyatının dinamik inkişafında informasiya texnologiyalarının rolu" mövzusunda məruzə ilə çıxış edəcək.