2006-cı ilin yanvar-sentyabr aylarında Azərbaycan Rabitə və İnformasiya Texnologiyaları Nazirliyinin (ARİTN) gəlirləri 109,8 mln. manatlıq proqnoza qarşı 129,6 mln. manat təşkil edib. Nazirlikdən Trend ə verilən məlumata görə, bu göstərici keçən ilin eyni dövrü ilə müqayisədə 15,1% çoxdur.
Əhali ödənişləri üzrə gəlirlər 42 mln. manatlıq proqnoza qarşı 45,4 mln. manat təşkil edib ki, bu da keçən ilin analoji dövrü ilə müqayisədə 14,3 % çoxdur. Proqnoza 108,2% əməl olunub.
İlin əvvəlindən bəri ARİTN tərəfindən ölkə üzrə 174650 nömrə istismara verilib. Bu dövr ərzində investisiyalar 24 mln. manatı ötüb.