Azərbaycan Rabitə və İnformasiya Texnologiyaları Nazirliyi "Aztelekom" İstehsalat Birliyinin (İB) Yardımlı telekommunikasiya şəbəkəsi (TKŞ) Yardımlı mərkəzi ATS-in əsaslı şəkildə yenidən qurulması üçün tender elan edib. İB-yə istinadən Trend bildirir ki, tenderdə marağı olan şəxslər sənədələrini 2007-ci il 17 yanvara qədər, təkliflər paketini isə 25 yanvara qədər təqdim edə bilərlər. Tenderdə iştirak 1 min manat təşkil edir.
Tender proseduru isə 2007-ci il yanvarın 26-da Yardımlı TKŞ-də keçiriləcək.
"Aztelekom" İB Azərbaycan Rabitə Nazirliyinin əsas müəssisələrindən biridir. İB Bakı və Naxçıvan da daxil olmaqla bütün Azərbaycan ərazisində beynəlxalq və şəhərlərarası telefon rabitəsini təmin edir. Bu gün İB-nin ixtiyarında 54 telekommunikasiya müəssisəsi, Bakı Beynəlxalq Telefon Şəbəkəsi, Kabel Magistral Texniki Şəbəkə və Təmir-tikinti İdarəsi var.