Azərbaycan, Bakı/ Trend / Yanvar-fevral ayları ərzində Azərbaycanın Rabitə və İnformasiya Texnologiyaları Nazirliyi 19 mindən yuxarı ailəni telefonla təmin edib. Bu barədə çərşənbə axşamı Nazirlikdən məlumat veriblər.
Bu dövr ərzində istismara venrilmiş telefon nömrələrinin sayı 19214-dür. Onlardan 6128-i Aztelekom İB-nin, qalanları isə Baktelekomun payına düşüb.
2006-cı ildə Nazirlik 280594 nömrə istismara verib ki, bu da 2005-ci illə müqayisədə 116409 ədəd çoxdur.
Bakı və Naxçıvan Muxtar Respublikası da daxil olmaqla Aztelekom İB ölkə ərazisində səhərlərarası və beynəlxalq telefon əlaqəsinin qurulmsını təmin edir.
Aztelekom yeganə beynəlxalq əlaqə operatoru olmaqla təbii inhisarçı hesab olunur. Onun nəzdində 54 telekommunikasiya müəssisəsi, Bakı Beynəlxalq Telefon Qovşağı, Kabel Texniki Magistral Qovşağı, Təmir-tikinti Qovşağı İdarəsi yerləşir.