Azərbaycan, Bakı /müx. Trend S.Babayeva/ İyunun 1-dən Azərbaycandakı telefon danışıqlarının yeni tarifləri qüvvəyə minib.
Azərbaycanın Tarif Şurası yeni tarifləri mayın 17-də təsdiq edib. Qərara əsasən, ölkədə telefon danışıqlarının abunə haqqı 0,7 manatdan 2 manatadək artırılıb. Bunun müqabilində respublika daxilində şəhərlərası danışıqlar üçün haqq 0,09 manatdan (bir dəqiqə üçün) 0,07 manatadək endirilib.
Eyni zamanda beynəlxalq telefon danışıqları üçün haqlar da endirilib:
- MDB və Baltikyanı ölkələrə zənglər 0,45 manatdan 0,36 manatadək,
- İran, Türkiyə, Pakistan - 0,54 manatdan 0,45 manatadək,
- Avropa dövlətləri - 0,72 manatdan 0,54 manatadək,
- ABŞ və digər ölkələr - 0,9 manatdan 0,54 manatadək.