Azərbaycan, Bakı/ Trend / Azərbaycan Rabitə və İnformasiya Texnologiyaları Nazirliyi ilə ABŞ Dövlət Departamenti arasında 2006-cı ildə bağlanılmış Anlaşma memorandumu əsasında yaxın vaxtlarda rabitə və informasiya texnologiyaları sahəsində hökumətlərarası sazişin imzalanması qərara alınıb
Razılıq çərşənbə axşamı Azərbaycanın rabitə naziri Əli Abbasovun ABŞ ticarət nazirinin müavini Devid Sampsonun rəhbərlik etdiyi nümayəndə heyəti ilə görüşdə əldə olunub.
Bu gün Rabitə Nazirliyinin mətbuat xidmətindən verilən məlumata görə, görüşdə tərəflər arasında əməkdaşlığın genişləndirilməsi imkanları, Azərbaycanda IT sahəsinin cari vəziyyəti müzakirə olunub.
Sampson Bakıya 14-cü Beynəlxalq "Xəzər Neft-Qaz, Neft emalı və Neft kimyası" Sərgi və Konfransında iştirak etmək üçün gəlib.