Azərbaycan, Bakı / Trend / Bakıda "Qərarların qəbulu və idarəetmə üçün gələcək araşdırmaların metod və konsepsiyaları"na həsr olunmuş seminar keçirilir.
Azərbaycanın Rabitə və İnformasiya Texnologiyaları Nazirliyinin mətbuat xidmətinin yaydığı məlumata görə, iyunun 1-dək davam edəcək üçgünlük seminarı nazirlik və Azərbaycanın Futuroloqlar Assosiasiyası Minillik layihəsi ilə birgə təşkil ediblər. İyunun 11-də seminarın açılışında Rabitə Nazirliyinin informasiya cəmiyyətinin inkişafı bölməsinin rəhbəri Rüfət Gülməmmədov, Futuroloqlar Assosiasiyasının, biznes strukturlarının və ictimai qurumların nümayəndələri iştirak ediblər.
Seminarı BMT-nin Ümumdünya Assosiasiyaları Federasiyasının Minillik layihəsinin (gələcəyin qlobal araşdırmaları üzrə) direktoru və BMT Universitetinin Amerika Şurasının icraçı direktoru Cerom K. Qlenn aparır. O, Bakıya xüsusi olaraq bu məqsədlə dəvət olunub.