Azərbaycan, Bakı / " müxbir S.Babayeva/ Hazırda Rabitə və İnformasiya Texnologiyaları Nazirliyinin "Aztelekom" İstehsalat Birliyinin (İB) tqdim etdiyi CDMA texnologiyası üzrə simsiz rabitə xidməti 12 şəhər və rayonda mövcuddur. Bu barədə İB-nin baş direktoru Məhəmməd Məmədov məlumat verib.
Onun sözlərinə görə, 2008-ci ilin sonuna qədər bu xidmətlər bütün Azərbaycan ərazisində təqdim olunacaq. "Paralel olaraq biz rouminq müqavilələri də bağlayırıq. Bir müddət öncə Catel BM-lə CDMA müqaviləsi imzalanıb. Ölkənin digər operatorları ilə də rouminq imzalamağı planlaşdırırıq" - deyə qurum rəhbəri bildirib.
Hazırda Rabitə Nazirliyinin müəssisələri üzrə CDMA abonentlərinin sayı təqribən 8 min nəfər təşkil edir.
CDMA - GSM-dən sonra hazırlanmış simsiz rəqəmli texnologiyadır. CDMA danışığı rəqəmli informasiyaya çevirərək daha sonra simsiz şəbəkə üzrə adiosiqnal kimi ötürür. Ilk dəfə 1995-ci ildə kommersiya məhsulu kimi təqdim olunan CDMA dünyada ən sürətli yayılan simsiz texnologiyalardan biridir.
1999-cu ildə Beynəlxalq Telekommunikasiya Birliyi CDMA-nı yeni "üçüncü nəsl" (3G) simsiz sistem üçün sənaye standartı kimi qəbul edib.
