Azərbaycan, Bakı, 18 sentyabr /Trend, müxbir E.Əliyev/
Səhiyyə Nazirliyi Şəki və Ağdaş rayonlarında 100 çarpayılıq xəstəxanalar üçün 2 (iki) təcili tibbi yardım maşının satın alınması ilə bağlı tender elan edib. Trend-in məlumatına görə, bu barədə tender komissiyasının "Respublika" qəzetində dərc olunan məqalədə bildirilir.
Tender Beynəlxalq İnkişaf Assosiasiyasının maliyyələşdirdiyi səhiyyə sektorunda islahatlar çərçivəsində elan edilib. Tenderdə iştirak haqqı 100 ABŞ dolları və ya 80 manat təşkil edir.
Tender təklifləri (6000 min manat bank zəmanəti olmaq şərtilə) 17 oktyabr 2013-cü ilə saat 14:45-dək qədər Tender Komissiyasına təqdim edilməlidir. Təkliflərin açılışı 17 oktyabr 2013-cü ildə saat 15:00 baş tutacaq.
Tenderlə bağlı əlavə məlumat əldə etmək üçün aşağıdakı ünvana müraciət etmək olar:
Əlaqələndirici şəxs: Rəşad Mustafayev, İşçi qrupun rəhbəri
Ünvan: Bakı şəhəri, M. Mirqasımov, 1A, Səhiyyə Nazirliyi
Telefon: +99412 431 1968;
Fax: +99412 431 1937;