Gürcüstan, Tbilisi, 16 avqust/ Trend , müxbir N.Kirtsxaliya/ Gürcü yanğınsöndürənləri və yerli əhali Borjomi meşəsində törədilmiş yanğını məhdudlaşdıra biliblər. Bütün gecəni insanlar bellə, Rusiya vertolyotlarının alovlandırıcı bombalar vasitəsilə törətdiyi yanğını söndürməyə çalışıblar.
Gürcüstan XİN-in məlumatına görə, dünən səhər Rusiya vertolyotları meşə ərazisinə üç yerdə yanğına səbəb olmuş alovlandırıcı bombalar atıb.
Hazırda alovun digər ərazilərə yayılmasının qarşısı alınıb, lakin öz güclərinə alovun tam söndürülməsi mümkün deyil. Qoriyə gedən avtomobil yolunun bağlanması səbəbindən yanğın baş vermiş regiona Tbilisidən yanğınsöndürənlərin göndərilməsi də mümkün deyil.
Gürcüstan yanğının söndürülməsində kömək göstərilməsi üçün Türkiyə və Ukraynaya müraciət edib.