...

Taliban qiyamçıları Əfqanıstanın Milli Birlik proqramının vəsaitlərini tələb edirlər

Dünya xəbərləri Materials 5 Sentyabr 2008 13:39

Trend-i buradan izləyin

Əfqanıstan, Kabil, 05 sentyabr / Trend , A.Həkimi / Herat vilayətinin Keşk şəhərindən verilən məlumata əsasən, son vaxtlar Taliban qiyamçıları telefon vasitəsilə, məktub, elan vərəqələrinin köməyi ilə şəhər və ətraf kəndlərin ağsaqqallarından tələb ediblər ki, Milli Birlik proqramının vəsaitlərini onlara versinlər. Onlar bəzi kəndlərdə əhalidən becərilən məhsulların onda bir hissəsinin də onlara verilməsini tələb ediblər.

Trend müxbirinin məlumatına əsasən, Herat vilayətinin İnkişaf İdarəsinin sədri və Milli Birlik proqramının icraçısı Məhəmməd Sədiqi Taliban qiyamçılarının bu tələbi barədə məlumatı olmadığını bildirib. Lakin Herat vilayəti icra başçısının köməkçisi Daneşyar bildirib ki, əhalidən bu haqda şikayətlər alıb.

Bundan başqa, regionda qızların məktəbə göndərilməsinə qarşı Taliban qiyamçıları tərəfindən təhdidlər də artıb. Əhali qiyamçıların təhdidlərindən ehtiyatlanaraq qız övladlarını məktəbə göndərməkdən çəkinirlər. Keşk şəhərinin Maarif İdarəsinin sədri isə belə bir problemin olmadığını bildirib.

Taliban qiyamçılarının Keşk şəhəri üzərində nəzarətinin hər gün daha da artması əhalidə təşviş yaradır.

Herat vilayətinin Keşk şəhər icra başçısı isə bu məsələni dansa da, bir neçə gün öncə Taliban qiyamçıları onun maşınını mühafizəçilərinin gözü qarşısında oğurlayıb.

Müəlliflə əlaqə saxlamaq üçün elektron ünvan [email protected]

Xəbər lenti

Xəbər lenti