Azərbaycan, Bakı, 19 sentyabr/ Trend , müxbir V. Javoronkova/ Seçicilər ABŞ -dakı prezident seçkilərində, çətin ki, ölkəni iqtisadi böhrana gətirmiş partiyaya üstünlük versinlər, - ekspertlər hesab edirlər.
"İqtisadi sarsıntılar zamanı Amerika seçkilərində üstünlük, bir qayda olaraq, hakimiyyətdə olmayan və deməli, böhranın səbəblərinə aidiyyatı olmayan partiyaya üstünlük verilir", - Amerikalı politoloq Con Pitni (John J.Pitney) Trend - a bildirib.
Bazar ertəsindən başlayaraq, dünya maliyyə bazarlarında presedentsiz çaxnaşma davam edir. Amerikanın kreditləşmə sisteminin dağılması nəticəsində, ABŞ -ın ən iri banklarından biri Lehman Brothers -in iflası qlobal maliyyə böhranının başlanğıcı və dünya maliyyə bazarlarında dönməz nəticələr və kotirovka təkliflərinin kəskin düşməsinə səbəb olub.
Ötən həftə ərzində Demokratlar partiyasından namizəd Barak Obama yaranmış vəziyyətlə əlaqədar bir neçə bəyanat verib və Respublikaçılar Partiyası, onun prezidentliyə namizədi Makkeyni bilavasitə ittiham edib.
"Mən bizim qarşılaşdığımız problemlərə görə senator Makkeyni günahlandırmasam da, onun imzaladığı iqtisadi fəlsəfəni ittiham edirəm", - Demokratlar Partiyasından prezidentliyə namizəd Qoldendə, Kolorada ştatında bildirib.
İllinoysdan olan senator Obama seçkiqabağı kampaniya vaxtı dəfələrlə respublikaçıların iqtisadi siyasətində dəyişikliklərin zərurət olduğunu qeyd edib.
Çox güman ki, Obama hazırki iqtisadi böhrandan qazanır, - Pitni hesab edir. Onun rəyinə görə, amerikalıların əsas arqumenti belədir: "İşlər pis olduğu üçün, dəyişikliklərə ehtiyacımız var".
Digər amerikalı ekspert Barri Bardenin (Barry Burdon) rəyinə görə, Obamanın uğuru Respublikaçılar Partiyasından prezidentliyə namizədi Buşla nə dərəcədə bağlaya biləcəyindən asılıdır.
Makkeynin partiyası son 28 ilin 20 - də prezidentlik edib.
Amerikalı politoloq Piter Şeynin (Peter Shane) rəyinə görə, hökumətin hazırki iqtisadi uğursuzluqları amerikalıların əksəriyyətində Respublikaçılar Partiyası ilə səciyyələnəcək.
Bu gün əsas xəbər olan iqtisadi böhranın daha çox Respublikaçılar Partiyasının seçicilər qarşısında imicinə zərbə vurması barədə ekspertlərin rəyləri eynidir.
Makkeyn dəfələrlə seçicilərə maliyyə sistemini bərpa edəcəyini vəd etsə də, böhranın onlara Buş administrasiyası və Respublikaçılar Partiyasının uğursuluğunu xatırlatması daha vacibdir, - Viskonsin Univeristetinin elmi əməkdaşı professor Barden elektron poçtla Trend -a bildirib.
Beləliklə, amerikalı analitiklərinin əksəriyyəti cari iqtisadi böhranın Obamaya son nəticədə bir neçə faiz səs qazanmağa imkan verəcəyini hesab edirlər.
Amerikanın maliyyə sisteminin beş günlük iflasının nəticələri artıq iki partiyanın namizədlərinin reytinqinə əhəmiyyətli təsir göstərib.
Əgər "qara bazar günü"ndə namizədlərin bərabər səs faizləri vardısa, demokrat Obama cari həftəsonuna CNN -nin reytinqi üzrə Makkeyndən 3 faiz irəlidə olub.
"Məsələ sadədir: seçicilər diqqətlərini siyasət məsələləri üzərində cəmləşdirəcəklərsə, Obama, sosial - mədəni məsələlər üzərində cəmləşdirərlərsə, Makkeyn qələbə qazanacaq", - Şeyn bildirib.
Müəlliflə əlaqə saxlamaq üçün elektron ünvan: [email protected]
