Azərbaycan, Bakı, 25 noyabr / Trend /
Türkiyənin Baş naziri Rəcəb Tayyib Ərdoğan Liviya lideri Müəmmər Qəddafini Türkiyəyə səfərə dəvət etdiyni bildirib. O, bu barədə çərşənbə axşamı Liviya paytaxtı Tripolidə keçirilən Türkiyə-Liviya biznes-formunda çıxışı zamanı deyib, Anadolu xəbər verir.
Ərdoğan bəyan edib ki, Türkiyə Afrikadakı səfirliklərinin sayını gələn ilin sonlarında 27-yə çatdırmağa hazırlaşır.
"Biz hesab edirik ki, Liviya bu prosesdə bizi dəstəkləyəcək", - Türkiyənin Baş naziri qeyd edib.