İranın Gəmiçilik və Limanlar Təşkilatı sədrinin limanlar üzrə müavini Səid İzədiyan bildirib ki, Somali sahillərində dəniz quldurları 29 iranlını girov götürüb və 37 gün keçməsinə baxmayaraq, hələ də onları azadlığa buraxmayıb. Bu barədə Trend İranın MEHR xəbər agentliyinə istinadən məlumat yayıb.
İzədiyanın sözlərinə görə, dekabr ayının əvvəlində Somali sahilləri yaxınlığında İrana məxsus balıqçı gəmisi dəniz quldurları tərəfindən ələ keçirilib. "Gəmi və 29 ekipaj üzvü Somali sahillərinə aparılıb", - İzədiyan əlavə edib.
O əlavə edib ki, İranın Gəmiçilik və Limanlar Təşkilatı hadisə ilə bağlı detalları İranın Silahlı Qüvvələrinə və Xarici İşlər Nazirliyinə təhvil verib və artıq onlar bu məsələ ilə məşğuldurlar.
Trend-in ən mühüm və maraqlı xəbərlərini "Telegram"da izləyin
.jpg)
.jpg)
.jpg)
