Türkiyə Xarici İşlər Nazirliyi ABŞ Konqresinə məktub göndərib. Məktubda deyilir ki, "erməni soyqırımı" adlanan məsələyə baxılması Cənubi Qafqaz regionunda sülhün bərqərar olmasına pis təsir göstərəcək. Bu barədə CNN Turk məlumat yayıb. 1915-ci il "erməni soyqırımı" adlanan qanuna baxılması Amerika-Türkiyə münasibətlərinə ziyan vuracaq və Türkiyə ümid edir ki, ABŞ Konqresi erməni soyqırımı haqqında məsələyə baxmayacaq. Məktubda belə deyilir.
Türliyə Parlamentinin xarici əlaqələr komitəsinin rəhbəri Murad Mərcan Konqresdə "erməni soyqırımı" məsələsinə baxılmasının qarşısının alınması məqsədilə ABŞ-a işgüzar səfərə gedib. Bu barədə CNN Turk bildirir.
Vaşinqtona yola düşməzdən əvvəl Mərcan bildirib ki, ABŞ Konqresində 1915-ci il hadisələrinin müzakirəsi Türkiyə-Ermənistan münasibətlərinə zərər vuracaq.
ABŞ Konqresinin xarici əlaqələr komitəsinin sədri Hovard Berman "erməni soyqırımı" haqqında qanunun martın dördündə müzakirəyə çıxarılmasını təklif edib.
Türkiyənin xarici işlər naziri Əhməd Davudoğlu bildirib ki, "erməni soyqırımı" haqqında qanunun Konqresdə müzakirəyə çıxarılması təsadüsü deyil, bu, Ermənistan ilə planlaşdırılıb.
Davudoğlunun sözlərinə görə, bu faktdan Türkiyəyə təzyiq üçün istifadə olunur. Davudoğlu həmçinin qeyd edib ki, ötən ilin avqustunda Ankara ilə protokolların imzalanması zamanı bununla bağlı ölkəyə heç bir təzyiq göstərilməyib.