Yəmən Hərbi Dəniz Qüvvələri tərəfindən Ədən körfəzində İran gəmisi saxlanılıb. Bu barədə Trend MEHR agentliyinə istinadən məlumat verir.
Məlumata əsasən, Yəmən Müdafiə Nazirliyi bəyanat yayaraq bildirib ki, Ədən körfəzində Yəmən sularına icazəsiz daxil olduğu üçün 13 nəfərlik heyəti olan İran gəmisi saxlanılıb.
MEHR agentliyi "Xinhua" agentliyinə istinadən məlumat verir ki, gəminin heyəti heç bir müqavimət göstərmədən Yəmən HDQ-yə təslim olub və hazırda onlar istintaqa ifadə verirlər.
Məlumatda gəminin hansı ölkədən hansı istiqamətə getdiyi və nə apardığı qeyd olunmayıb.