Azərbaycan, Bakı, 1 fevral /Trend /
Ermənistan prezidentliyinə namizəd Paruyr Ayrikyana cümə axşamı sui-qəsd olunub. Trend-in RİA Novosti xəbər agentliyinə istinadən verdiyi məlumata görə, Ayrikyan çiynindən güllə zədəsi alıb.
İnsident Yerevanda baş verib. Hadisə yerində polislər istintaq tədbirləri aparır.
Ermənistanda prezident seçkiləri 2013-cü il fevralın 18-də keçiriləcək. Ermənistan prezidenti postu uğrunda Ermənistanın indiki Prezidenti Serj Sarkisyan, keçmiş Baş nazir, Azadlıq Partiyasının lideri Qrant Baqratyan, XİN-in keçmiş rəhbəri, İrs Partiyasının İdarə Heyətinin sədri Raffi Ovannisyan, Paruyr Ayrikyan, Arman Məlikyan, Andreas Qukasyan, Vardan Sedrakyan, Milli Həmrəylik Partiyasının lideri Aram Arutyunyan mübarizə aparırlar.