Azərbaycan, Bakı, 3 sentyabr /Trend/
Ermənistanın müdafiə naziri Seyran Ohanyan Baş nazir Tiqran Sarkisyanın Yerevanın son 3 ildə xeyli sayda silah alması ilə bağlı bəyanatını təsdiq edib. Bu barədə Trend çərşənbə axşamı Ermənistan KİV-ə istinadən məlumat verir.
S. Ohanyan bildirib: "Biz son 3 ildə əvvəlki illərə nisbətən daha çox silah almışıq, Baş nazirin sözləri doğrudur və bu prosesi davam etdirəcəyik".
Müdafiə naziri deyib: "Biz bundan əlavə, zenit-raket kompleksləri, həmçinin rəqibin vacib obyektlərinə zərbə endirməyə imkan verən uzaq və dəqiqvurma qabiliyyətli silahlar əldə edirik".