Azərbaycan, Bakı, 12 oktyabr /Trend/
Misir prezidenti Abdel Fəttah əs-Sisi İsraili münaqişəni aradan qaldırmağa və fələstinlilərin hüquqlarını bərpa etməyə çağırıb. Trend TASS agentliyinə istinadən bu barədə xəbər verir.
"İsrail-Fələstin probleminin yeganə həlli yolu - hərtərəfli ədalətli tənzimləmədir", - Misir lideri Qahirədə bu gün keçirilən Qəzza üçün donor-ölkələrin konfransında deyib.
Norveç və Misirin təşəbbüsü ilə təşkil olunmuş Qəzza sektorunun bərpası məsələləri üzrə beynəlxalq konfransda XİN rəhbərləri və dünyanın 50-dən çox dövlət nümayəndələri iştirak edirlər.