Azərbaycan, Bakı, 3 dekabr /Trend, müxbir Rufiz Hafizoğlu/
Ankara Moskva ilə Rusiya qazının qiymətinin azaldılması barədə dialoqu davam etdirir. Trend-in "TRT Haber" telekanalına istinadən verdiyi məlumata görə, bunu Türkiyənin energetika və təbii sərvətlər naziri Taner Yıldız deyib.
Onun sözlərinə görə, Rusiyanın Türkiyəyə təklif etdiyi qiymət son qiymət deyil.
T.Yıldız tərəflərin Türkiyəyə tədarük edilən Rusiya qazının qiymətini gələn həftə müzakirə edəcəklərinə ümid etdiyini bildirib.