Bakı. Təmkin Cəfərov - Trend:
İranın Ticarətin İnkişafı Təşkilatı ölkəyə Amerikadan 227 adda məhsulun gətirilməsini qadağan edən qərar qəbul edib. Trend-in məlumatına görə, bu barədə İranın İSNA agentliyi məlumat verir.
Məlumata görə, qərar artıq bütün aidiyyatı qurumlara göndərilib və icrasına başlanılıb.
Amerikadan İrana gətirilməsi qadağan olan məhsullar əsasən, müxtəlif növ saqqız, siqaret, CD və DVD, bilyard masası, oyun kartları, silah və sursat, milad bayramına aid əşyalar, ofis ləvazimatı, bəzək əşyaları, ərzaq məhsulları, müxtəlif növ çay, sümükdən hazırlanmış əşyalar, rəsm əsərləri və digər məhsullardır.