Bakı. Rufiz Hafizoğlu - Trend:
Türkiyə Rusiya ilə münasibətləri inkişaf etdirmək niyyətindədir. Trend "TRT Haber" telekanalına istinadən məlumat verir ki, bunu Türkiyə Prezidenti Rəcəb Tayyib Ərdoğan deyib.
Onun sözlərinə görə, Türkiyə ilk gündən Rusiya ilə əlaqələrin yaxşılaşmasına çalışıb.
R.T.Ərdoğan iki ölkənin münasibətlərindəki böhranın tezliklə aradan qaldırılacağına ümid etdiyini bildirib.