Bakı. Trend:
Tel-Əvivdə törədilən terror aktı nəticəsində ölənlərin sayı 4 nəfərə çatıb.
Trend-in məlumatına görə, bu barədə İsrail baş nazirinin nümayəndəsi Ofir Gendelman bildirib.
XXX
Tel-Əvivdə baş vermiş atışma nəticəsində üç nəfər ölüb.
Trend-in məlumatına görə, bu barədə İsrailin ikinci telekanalı məlumat verir.
Telekanalın hadisə yerində olan müxbiri bildirir ki: "Tel-Əvivdə baş vermiş terakt nəticəsində üç nəfər ölüb".
XXX
Təl-Əvivin turistlərin və yerli sakinlər üçün məşhur olan rayonunda atışma baş verib.
Trend-in RİA Novosti agentliyinə istinadən verdiyi məlumata görə, ən azı 9 nəfərin yaralandığı bildirilir.
"Polis bölmələri artıq yerindədir. Bir neçə xəsarət alan haqqında məlumat var. Rayon bağlanılıb", - polis sözçüsü Miki Rozenfeld bildirib.
Yerli telekanalların məlumatına görə, atışma rayonu müdafiə nazirliyi və baş qərargahın binalar kompleksi qarşısında baş verib.