Bakı. Trend:
Polis Nyu-York məscidlərindən birinin imamını qətlə yetirməkdə şübhəli bilinən şəxsi saxlayıb. Trend-in məlumatına görə, bu barədə RİA Novosti "New York Post" qəzetinə istinadən xəbər verib.
İmam Movlana Akonci və onun köməkçisi Thara Uddin şənbə gündüz saatlarında Ozon-park rayonunda məsciddən çıxarkən silahlı hücuma məruz qalıblar. Onlar başlarına açılan atəşdən ölüblər.
Polisin ilkin ehtimalına görə, qatil 4 il öncə Banqladeşdən Nyu-Yorka gəlmiş imamla tanış olub.
Qətldə şübhəli bilinən 35 yaşlı şəxsə hələ ittiham irəli sürülməyib.