Bakı. Trend:
Meksikanın paytaxtında taksi sürücülərinin fəaliyyətinin yoxlanılması zamanı qarşıdurma yaranıb. Trend-in məlumatına görə, taksi sürücüləri ilə Mexiko polisi arasında yaranmış qarşıdurma nəticsində 20-ə yaxın polis yaralanıb.
Şəhər İctimai Təhlükəsizlik Nazirliyinin verdiyi məlumata görə, polis hərəkətin gur olduğu yolda taksilərin qanunsuz parklanmasının qarşısını alarkən etirazla qarşılaşıb.
Taksi sürücüləri daş parçaları və ağaclarla polis nəfərlərinin üstünə hücum ediblər. Toqquşmalar nəticəsində 2 nəfər saxlanılıb.
Məlumata görə, odlu silahdan da istifadə edilib.