Bakı. Trend:
Tailandda yük maşını ilə mikroavtobus toqquşub.
Trend-in "RİA Novosti"yə istinadən verdiyi məlumata görə, qəza nəticəsində 9 nəfər ölüb, 4 nəfər isə yaralanıb.
Xəbərdə deyilir ki, yük maşını qarşı istiqamətdə olan və içərisində 8 nəfər olan mikroavtobus ilə toqquşub. Daha iki minik avtomobili isə mikroavtobusa çırpılıb. Yük maşınının sürücüsü və mikroavtobusda olan bütün insanlar hadisə yerində ölüb. Digər avtomobillərdə olan 4 nəfər isə müxtəlif dərəcəli xəsarətlər alıblar. Yaralılar xəstəxanaya çatdırılıb.