Bakı. Trend:
Səudiyyə Ərəbistanının kral ailəsinin nümayəndəsi şahzadə Bandar bin Fahd bin Saad bin Abdel Rəhman Əl Saud çərşənbə günü vəfat edib.
Trend-in "TASS"a istinadən verdiyi məlumata görə, onun dəfn mərasimi cümə axşamı Ər-Riyadda keçiriləcək.
Qeyd edək ki, bu il kral ailəsinin 3 nümayəndəsi vəfat edib. Mayda kral Salman bin Əbdül Əziz Əl Səudun böyük qardaşı şahzadə Maşaal bin Əbdül Əziz 90 yaşında, bir həftə əvvəl isə 26 yaşlı şahzadə Salman bin Saad bin Abdulla bin Turki Əl Səud vəfat edib.