Bakı. Rufiz Hafizoğlu - Trend:
Türkiyə Silahlı Qüvvələri Suriyanın Təl-Rifat şəhərini terrorçulardan azad edib və bu yaşayış məntəqəsində nəzarəti tam ələ keçirib.
Trend-in məlumatına görə, bu barədə Türkiyə KİV-ləri hərbi mənbələrə istinadən yazır.
Təl-Rifatın azad olunması əməliyyatında "Azad Suriya Ordusu"nun təqribən 10 min döyüşçüsünün də iştirak etdiyi bildirilir.
Xatırladaq ki, yanvarın 20-də Türkiyə Silahlı Qüvvələrinin PYD, YPG və İŞİD terror qruplaşmalarına qarşı başladığı "Zeytun budağı" əməliyyatı çərçivəsində Suriyanın Afrin bölgəsi martın 18-də terrorçulardan azad olunub.